8 делови од телото за кои не знаеме скоро ништо

Човечкиот организам е можеби најсовршената, но и најсложената креација која чекори по планетата Земја. И покрај напредокот на медицината и технологијата, сепак остануваат уште многу мистериозни работи поврзани со нашето тело и многу неодговорени прашања.

Дали сте знаеле дека отстранувањето на кутикулите е всушност штетно по здравјето или дека операцијата која вклучува отстранување на крајници не е толку рутинска како онаа за слепо црево?

Дознајте неколку интересни факти во врска со следните 8 делови од човечкото тело:

Анатомско кутивче за миризлива сол

Ако го истегнете палецот на раката, ќе забележите мало триаголно вдлабнување кај спојот помеѓу палецот и дланката. Ова е тоа што докторите го нарекуваат анатомско кутивче за миризлива сол. Во минатото луѓето вдишувале сол или тутун во прав.

На ова место исто така може во секое време да се напипа радијалната артерија, дури и кога е пулсот слаб, бидејќи тука артеријата е заштитена само со кожата.

Палецот на ногата

Сите знаеме каде се наоѓа, но ретко кој од нас размислува за фактот дека овој дел од телото ја извршува една од најважните функции во нашето тело.

Заради карактеристичната форма на палецот на ногата способни сме да балансираме исправени додека стоиме во место, што е една од главните разлики помеѓу луѓето и останатите цицачи.

Глабела

Можеме да се обложиме дека не знаевте дека малиот дел од кожата помеѓу двете веѓи има свое име.

Сепак има име и се вика глабела. Таа, исто така, е важен дел од нашето тело бидејќи овозможува лесно да си ги провериме рефлексите во секое време.

Удрете со прстот неколку пати во пределот помеѓу веѓите. Ако вашите рефлекси се во ред, ќе почувствувате мало напрегање во очите и потреба да трепнете.

Ресичката на јазикот

Овој мал преклоп под јазикот има важна функција: го фиксира јазикот во устата и го прави помалку флексибилен.

Ова спречува да ви се случи спонтано да го голтнете јазикот, што е од огромно значење за новородени бебиња кои сѐ уште не можат да си го контролираат телото.

Трагус и антитрагус

Интересен факт: имињата на овие мали испакнатини на увото доаѓаат од латинскиот збор „tragos“ кој значи „коза“.

Трагусот ни помага да слушнеме звуци кои ни доаѓаат одзади, истите појачувајќи ги и детектирајќи го нивниот извор. Антитрагусот го прави истото со звуците кои ни доаѓаат однапред.

Крајници

Многу од нас имале рутинска операција за вадење на крајниците додека сме биле деца. Овие лесни операции создаваат илузија да мислиме дека крајниците немаат функција, слично како и слепото црево. Но, тоа не е точно.

Крајниците се првата бариера која нѐ штити од бактерии и вируси со тоа што лачи лимфоцити. Кога крајниците ќе се воспалат и отстранат, телото сѐ уште има други механизми за да се заштити, но сепак со крајниците е побезбедно.

Кутикулите на ноктите

Секој кој имал маникир барем еднаш го знае зборот „кутикули“. Тоа е цврсто парче кожа на границата помеѓу нокотот и прстот. Луѓето често ги сечат своите кутикули за да ги разубават своите раце, но ризикуваат многу.

Кутикулите всушност имаат многу важна функција: тие ги штитат нашите раце од штетни бактерии, кои се особено распространети во големите градови. Ако бактеријата навлезе во нашето тело преку мала рана настаната како резултат од сечење на кутикулите, миењето на рацете нема да помогне во спречување на нејзиното ширење.

Филтрум

Повеќето специјалисти се сложуваат дека филтрумот е остаток од развојотна праисторискиот човек и имал цел да го подобри сетилото за мирис. Денес не ни треба толку добро чувство за мирис, но овој дел од телото постои за да нé потсети на нашите корени.

Дополнително, докторите можат да ја утврдат состојбата на новороденчето преку овој дел од телото. Понекогаш неправилниот филтрум е знак за аутизам или други состојби.

(О)Милена | Црнобело