Митови кои всушност се вистини

Секој има барем по еден мит за светот околу себе кој тешко може да го прифати. Но, од време навреме се случува некој од тие митови, всушност, да е вистинит.

Ние ги собравме некои од најчудните митови кои се покажале како вистини:

Банкоматите можат да ги идентификуваат луѓето според нивниот глас, очи и физичкиот изглед.

Во 2015-та, Кина претстави нов тип на банкомати кои ги идентификуваат лицата на луѓето за да се спречат измамниците. Исто така, има банкомати кои препознаваат и глас.

Флуоридот може да им наштети на забите

Стоматолозите препорачуваат да користите паста со флуорид за превенција на кариес, но ново истражување направено во Нов Зеланд открива дека флуоридот всушност може да биде штетен ако се користи во големи количини.

Кога влегува во организмот може да го попречи функционирањето на мозокот, на нервниот систем, на системот за варење и бубрезите и може да го забрза процесот на стареење.

Научниците имаат креирано хибридни животни

Темата често можете да ја сретнете во научно фантастичните филмови, но навистина постојат хибридни животни и птици кои се добиваат со манипулирање на ДНК и комбинирање на најдобрите гени.

Шеќерот има влијание на однесувањето на детето и развојот

Рафинираниот шеќер и другите прости јаглехидрати предизвикуваат брзо растење на новото на глукоза во крвта, а со тоа и лачење на адреналин кој ја намалува способноста за концентрација, за учење, ги расипуваат забите, дебелеат и можат да предизвикаат дијабетес.

Боемската шума постои

Постои место каде се собираат сите најбогати и најмоќни личности и се вика „Боемска шума“, а тука се прават некои од најчудните мистични и религиозни обреди. Во 2000-та дури биле и тајно снимени.

Постои микро пиштол кој предизвикува срцев удар

Да, постојат пиштоли кои имаат куршуми кои дејствуваат исто како да ве каснал инсект, но отровот кој го пуштаат многу брзо се шири и предизвикува срцев удар.

Цената на дијамантите е непотребно висока

Дијамантите не се така ретки како што мислат повеќето, но затоа што компанијата De Beers контролира најголем дел од дијамантите во светот, вештачки ја држи нивната цена висока.

Н. Г. | Црнобело