Модна блогерка покажува како да ги средите фотографиите на Инстаграм (видео)

Дали имате чувство како да следите на Инстаграм  само девојки кои се модни блогерки и имаат беспрекорни фотограафии, а вие сè уште само посакувате да го имате совршен профил?

Не сте далеку од вистината. Инстаграм одамна го доби статусот на „најмодна“ социјална мрежа, посебно бидејќи на него има многубројни модни блогерки кои што и да прават, дали покажуваат нови модни парчиња облека или појадуваат или пак, станува збор само за нивното секојдневно селфи, имаат прекрасни фотографии.

Како што вели старата латинска поговорка „Повторувањето е мајка на знаењето“, овие девојки секојдневно работат и ги подобруваат своите вештини на правење добри фотографии со употреба на Фотошоп или други апликации.

Токму затоа, секоја фотографија им изгледа беспрекорно.

Се прашувате: „Како им успева тоа“?

Популарната модна блогерка Мариана Хјуит од блогот LifeWithMe.com снимила кратко видео во кое покажува како се средуваат фотографиите на Инстаграм.