Зошто некои песни не ни излегуваат од глава?

Седнуваме во кола или автобус и се упатуваме кон работното место. Одеднаш пуштаат песна која подоцна цел ден не ни излегува од глава. Малку по малку си ја потпевнуваме. Но, зошто ни се случува тоа?

Едно истражување кое е направено со скенирање на мозокот открива дека станува збор за феномен кој е именуван како присилна музичка слика.

Досега овој феномен не бил доволно истражен за да се знае како точно влијае на нас, но по овој експеримент се открива дека некои песни со своите фрекфренции создаваат во нас „музички слики“ односно ја будат способноста да ги замислуваме звуковите.

Експериментот е направен на 44 испитаници на различна возраст од 25 до 70 години во кои направени се основни истражувања на тоа колку испитаниците се музички надарени, а потоа направени се снимањата на мозок0т.

Откриено е дека одредени луѓе имаат физиолошка родена предиспозиција да ги замислуваат песните, односно од нив да формираат музички слики. Но, што понатаму?

Откриено е дека кај овие луѓе оваа „способност“ значајно влијае на нивните емоции, па научниците продолжуваат со истражување со кое ќе се обидат да откријат како одреди типови може физиолошки да влијаат на нас и да ни го подобрат расположението, дури и кога станува збор за неговите нарушувања.