Рекордери: Татко и ќерка имаат најшироки јазици во светот

Гинисовата книга на рекорди е преполна со најразлични достигнувања, но досега никој не се пофалил со најширок јазик. И тоа не е само еден човек, туку веќе има и наследник, неговата ќерка.

Бајрон Шленкер (47) од Сиракјуза, во американската држава Њујорк и неговата ќерка Емили го заслужиле местото во Гинисовата книга на рекорди, благодарение на неверојатно широките јазици. Неговиот јазик е поширок од Iphone 6, а ни 14-годишното девојче не заостанува многу.

Јазикот на Бајрон Шленкер е широк 8,6 cm, што е еднакво на ширината на просечниот подметнувач за чаши. Поради овој природен феномен, тој станал најславна личност во својот град.

Јазикот на неговата ќерка Емили е за 1,3 cm потесен, што ѝ овозможило да се запише во Гинисовата книга на рекорди, за најширок јазик во женска категорија.

Тие отсекогаш знаеле дека немаат нормални јазици како другите, но сосем случајно откриле дека може да станат рекордери.

- Моите пријателки често се шегуваат на сметка на Бајрон и неговиот јазик, во врска со нашиот сексуален живот, но јас не паѓам на провокации - изјавила Вики, сопруга на рекордерот со најширок јазик во светот.

Погледнете го видеото со нивната приказна и како навистина им изгледаат јазиците: