Фантастични начини да ги искористите празните кутии од бонбони

Пред да одлучите да ја фрлите празната кутија од бонбони, размислете на сите оние начини на кои таа може да го олесни вашиот секојдневен живот.

Погледнете само дел од многуте начини на кои можете да ги искористите празните кутии од бонбони:

За шноли и ластичиња за коса

И сами знаете колку лесно шнолите и ластиците исчезнуваат низ домот и тогаш кога се најпотребни не можете да ги пронајдете. Токму затоа е потребно да ја искористите празната кутија за во неа да ги чувате шнолите. На кутијата ставете ги ластичињата и добивате мало приборче кое го собира во секоја чанта.

За зачини

Не е нужно зачините да ги чувате во стаклени тегли или пак во оригиналните пакувања. Со тоа што ќе ги сместите во овие кутии, зачините секогаш ќе ви бидат на дофат на рацете, а и полесно ќе ги спакувате за да ги носите со вас на викенд.

За стапчиња за уши

Уште еден трик со кој ќе заштедите простор во вашиот куфер или козметичка торба.

За ленти, украси или циркони

Ако се занимавате со изработка на накит или други видови укасувања, ова е одличен начин на кој можете да го организирате потребниот материјал.