Како облеката секогаш да ви мириса убаво?

Веројатно сте забележале дека понекогаш кога ќе го отворите гардероберот од него почнува да се шири непријатен мирис на влага и застојаност.

Тоа се случува од повеќе причини: Недоволно проветрени ормани, оставена нечиста облека или недоволно исушена.

За да се ослободите од овие мириси потребно е сите работи да ги извадите и исперете, а внатрешноста на орманот добро да ја пребришете со соодветно средство.

На крај важно е да го намирисате и орманот на некој од следните начини:

Етерично масло: Лавандата смирува, опушта и ги спречува молците. Исто така пријатно масло е и од цитрус, лимон или портокал.

Парфем: Не ги фрлајте празните шишенца од омилениот парфем, туку ставете ги во ќошот на орманот, бидејќи од нив ќе продолжи да се шири мирисот.

Миризливи стапчиња: Замотајте ги и ставете ги помеѓу облека која не ја носите толку многу, но ви стои во орманот.

Сапун: Новите сапуни отворете ги од едната страна и ставете ги помеѓу облеката или може да ги изрендате и да ги ставите во памучна вреќичка. Врзете ја и ставете ја во џебот на некое закачено палто.