Како најлесно да ги исчистите загорените тавчиња и тенџериња?

Дури и на најдобрите им се случува да го изгорат јадењето или потполно да изумат дека воопшто нешто ставиле на ринглата.

Откако тавчето или тенџерето загоре, што сега? Во канта или да го чистите?

Самото потопување во вода со сјај никогаш не е доволно ефикасно, па затоа ви нудиме мала помош со која нема да треба да се откажете од садот.

Потребни ви се само вода, оцет и сода бикарбона.

Садот наполнете го со вода до каде што се гледаат траги од загорената храна, а потоа додајте неколку лажици оцет.

Ставете ја мешавината од течности со тенџерето на рингла, додека не зоврие. Потоа додајте ја сода бикарбоната и почекајте додека не се формира пена.

Тргнете го садот од рингла, оставете го да отстои и да се олади. Потоа дополнете со врела вода и малку сјај и протријте со сунѓерче или четка.

Исплакнете, па измијте на вообичаен начин.