Нурнете во најдлабокиот базен, ако имате доволно воздух (видео)

Базенот Немо 33 важи за еден од најдлабоките затворени базени во светот и се наоѓа во Брисел. Токму ова е рајот за сите љубители на нуркањето, а за почетниците се нудат часови за учење на овој подводен спорт.

Длабочината на базенот Немо изнесува 34,5 метри и е наполнет со 2.500.000 литри филтрирана вода, без хлор, која се одржува на околу 30 степени.

Интересно е тоа што во него има подводни пештери кои се наоѓаат на околу 10 метри длабочина.

Заради топлината на базенот нуркачите можат да се задржат во длабочините подолг временски период без опрема за нуркање.

Сите оние кои сакаат да ја искусат оваа атракција, мораат да имаат повеќе од 12 години, да бидат здрави и да имаат соодветен сертификат, но и да бидат под надзор на тренер.

Комплексот Немо 33 покрај основната намена, содржи и ресторан, книжара, продавница за сувенири и нуркачка опрема, како и други активности на вода.

Сите оние кои сакаат да го посетат базенот можат да резервираат термини во текот на целата година.

Како би изгледало ова искуство од близу? Погледнете: