Двапати имаше рак на дојка, беше во брак со нејзиниот телохранител: Факти за пејачката Анастасија

Имаше рак на дојката

Во 2003 година, Анастасија беше дијагностицирана со рак на дојка.

Тој период не беше во можност да снима, но откри дека целото време го минувала во пишување нова музика и го подготвувала третиот студиски албум.

Откако ја победи болеста, Анастасија издаде некои од нејзините најпознати песни, како Left Outside Alone.

Притоа, за третиот и четвртиот албум, освои и многу музички награди.

Повотрно беше дијагностицирана со рак на дојка

Во 2013 година, пејачката откажа цела турнеја во Европа и набрзо подоцна откри дека повторно добила дијагноза за рак на дојката.

Поради нејзината вклученост во зголемувањето на свесноста за оваа болест, таа доби награда за хуманитарност, и тоа на доделувањето Men of the Year Awards на магазинот GQ.

Со ова, таа стана втората жена во светот која добила наградата на овој настан кој е всушност посветен на мажи.

Имаше неколку неуспешни врски

Од 1994 до 2001 година, Анастасија беше во врска со актерот Шон Вудс.

Сепак, таа му раскина откако дозна дека ја изневерувал.

Потоа таа имаше сериозна врска со германски диџеј, но се разделија по само една година.

Беше во брак со нејзиниот телохранител

Во 2006 година, Анастасија се сврши со нејзиниот телохранител. Тие се венчаа во 2007 година, а пејачката ги посвои двете деца на телохранителот од претходна врска.

Сепак, во 2010-та тие поднесоа барање за развод, наводно поради „ненадминливи разлики“.

Подоцна, пејачката ја објави песната Pendulum за нејзиниот развод:

„Песната е за распаѓањето на мојот брак, но сепак е убава. Мислам дека тој период малку се изгубив себеси“.

Нема деца и вели дека воопшто не жали за тоа

Анастасија нема свои биолошки деца и вели дека иако сакала, никогаш не зажалила што не станала мајка.

„Децата ми се голема слабост. Сакам да ги заштитам, да ги усреќам, да ги сакам… Мислам дека се прекрасни.

Јас никогаш немав деца, но тоа не значи дека не сум сакала, а не значи ни дека жалам за тоа“.

Пејачката неколкупати има изјавено дека сакала да се фокусира на кариерата, наместо да основа семејство.

„Не чувствувам дека сум помалку жена бидејќи сум немала дете. Се чувствувам како жена бидејќи го правам она што е правилно за мене“.

Уште е активна на музичката сцена

Пејачката уште настапува и објавува песни.

Истовремено, таа беше и дел од шоуто The Masked Singer Australia во 2021 година, каде и што победи.

Активна е и на Инстаграм каде што има 343.000 следбеници.

Во 24-годишната кариера, Анастасија има продадено 50 милиони албуми и синглови низ 19 држави.

Спирова С. | Црнобело