Девојката со водата од Златните Глобуси ја тужи компанијата што ја направи славна

Детали

понеделник, 04 февруари 2019

Девојката која стана ѕвезда на Златните Глобуси не беше ниту една од актерките, туку хостеса на „Fiji Water“ која ги фотобомбардираше ѕвездите на црвениот тепих.

Фиџи-девојката, односно Келет Кутберт, односно Кели Штајнбах, ја тужи својата матична компанија бидејќи била „искористена“ во маркетиншки цели за кои не се согласила при потпишување на договорот.

Но, како и секоја друга приказна, така и оваа има две страни. Според неа, била присилена да потпише лажен договор, тоа било снимано, за да биде презентирано дека се согласува да биде амбасадор на брендот.

Компанијата пак, се брани дека имале фер преговори со нејзе и дека потпишале договор, кој таа го прекршила и се сигурни дека ќе добијат на суд.

Според Штајнбах, нејзиниот настап ѝ донел на компанијата заработка од 12 милиони долари само од реклами, а кампањата ги нарушила нејзините мир, среќа и професионалност, како и натамошната почит од јавноста.

Но, едно е сигурно - никој досега не добил таква слава преку ноќ и не успеал да се фотографира со најголемите ѕвезди на филмското небо, без да треба да плати за тоа.

Прочитајте и Која е и што прави девојката која со продавање вода стана ѕвезда на Златните Глобуси 2019?

Е. Д. | Црнобело