Исповед на Кајли Џенер: Како се справувам со трачевите и што ми дава смисла во животот

Детали

вторник, 11 септември 2018

Ријалити ѕвездата проговори за несигурностите, за тежината да се расте пред камери, но и за убавината да се биде мајка.

Кајли Џенер е пред очите на јавноста уште од 10-годишна возраст, а денес на 21 година е влијателна модна икона, успешна бизнис жена и мајка на 7-месечната Сторми.

Таа во интервју за магазинот Glamour потврди дека е на пат да стане најмладата милијардерка на светот, но проговори и за проблемите со кои се соочува.

Во 2015 година по месеци шпекулации Кајли призна дека ставила филери во устата. Вели дека во тоа време била несигурна околу изгледот на нејзината уста, сакала илузија на поголеми усни, па ги цртала со моливче и потоа одлучила да направи корекција.

Имало многу негативни коментари околу тоа, но и околу низа други аспекти од нејзиниот живот, но таа откри дека станала отпорна и додека порано ја погодувале гласините и ѝ ја одземале енергијата, а сега само знае дека ќе поминат за кратко и се фокусира на нешто друго.

Првата јавна романтична врска на Кајли ѝ беше во 2014 година со раперот Тајга, кога таа имаше само 17 години. Тие се разделија во април 2017, а потоа Кајли започна да се состанува со Тревис Скот со кого денес има ќерка.

За бременоста вели: „Бременоста ми го промени телото комплетно на многу рана возраст, но навистина не се грижам за тоа.“

Приоритет сега ѝ се мајчинството и нејзината козметичка линија и вели дека обожава да работи и работата ѝ дава смисла на животот. За нејзината работна етика благодарна ѝ е на мајка си.

„Сакам да креирам, да го вежбам умот, секогаш размислувам за нови формули и за тоа како да направам нови и подобри козметички продукти“, вели Кајли.

Ријалити ѕвездата признава дека работи напорно за Сторми, затоа што сака еден ден ќерка ѝ да ја наследи нејзината компанија „Kylie Cosmetics“.

С. С. | Црнобело