Волонтери претворија 20 детски инвалидски колички во маски од соништата за Halloween

Хумани луѓе со малку труд и креативност им ги остварија соништата на децата во инвалидски колички во една болница во Јута.

За многу деца во Америка славењето на „Halloween“ или „Ноќта на вештерките“ е едноставно. Одат во продавница со своите родители и си избираат костим за да се маскираат.

Но, за децата од детската клиника „Shriners Hospitals“ во Јута, кои се врзани за инвалидски колички, костимите купени од продавниците не функционираат. Затоа персоналот од болницата и низа волонтери потрошија часови трансформирајќи ги инвалидските колички во неверојатни маски.

Дваесет пациенти им кажаа на персоналот и волонтерите во што сакаат да бидат маскирани и тие со помош на градежен материјал, бои, цевки и што уште не направија неверојатни костими за дечињата. Ова е практика на болницата секоја година.

За децата врзани за инвалидска количка маскирањето не е секогаш лесно, но затоа хуманите луѓе како овие прават нивните соништа да се претворат во реалност.

Еве ги прекрасните маски што ќе ви го разнежнат срцето:

• 
• 
• 
• 
• 
• 
• 
• 
• 
• 
•  

С. С. | Црнобело