Едноставни начини да откриете дали некој ве лаже

Освен професионалните лажговци, сите останати луѓе кои кажуваат по некоја лага, можат лесно да се откријат.

Само треба добро да го следите нивното однесување и да внимавате што ќе кажат и на кој начин ќе го кажат.

Ви нудиме неколку совети и трикови со кои следниот пат полесно ќе можете да препознаете кога некој ве лаже.

Начинот на кој другата личност ви одговара на прашањата, ја открива веродостојноста.

Погледнете како:

Нејасни одговори

Ако соговорникот ви даде многу нејасен одговор, во кој и самиот ќе се збуни и ќе каже нешто нелогично, тоа може да биде знак дека лаже. Обидете се да ја натерате личноста да остане на темата, потребен ви е директен одговор – „да или не“.

Исмејување/засмејување

Ако соговорникот се обиде да го исмее тоа за што го прашувате или само се смее, веројатно ве лаже. Тој што сака да ве измами ќе се обиде да ве насмее и да ја смени поентата на прашањето.

Претерана искреност

Еден од знаците за лажење е преувеличување на искреноста. Ако соговорникот ви се колне и ветува дека не ве лаже и дека нема ништо со таа ситуација, сигурно ве лаже.

Сочувство

Најтешко е да не му верувате на некој кој се обидува да сочувствува. Ако човекот покажува сочувство, немојте секогаш да паѓате на тоа. Можно е да сака да ве измами, но и не мора да значи.

Одговор со прашање

Некој што сака да ве измами, не сака да ви даде директен одговор. Затоа ќе се обидe да ви постави уште повеќе прашања, а тоа е сигурен знак за лага.

Драматизирање

Ако некој претерува со однесувањето и повеќе драматизира, најверојатно чувствува грижа на совест. Ако соговорникот е неискрен, ќе се обиде да глуми изненадено за да ве увери дека не е тој виновен.

Избегнување на одговорот

Ако соговорникот се обиде да го избегне одговорот и притоа ви дава уште многу други ирелевантни информации или се обидува да ја смени темата, веројатно сака да избегне неволји.

М. М. | Црнобело