Имал вишок патики, па решил да ги искористи на најдобар можен начин

Во време кога постојано слушаме за сите ужаси што се случуваат во светот, убаво е да се знае дека сè уште има луѓе кои се подготвени да направат некое добро дело.

Еден од тие добри луѓе на кои не им треба посебна причина за да направат добро дело е и Андреј Мекдонел, кој подарил десетина пара патики на бездомници во Њујорк.

Тој ја има основано акцијата „Од срце“, која има за цел да собира донации, најчесто обувки кои не им се потребни на луѓето или имаат повеќе кои не ги носат и да им се поделат на бездомниците кои немаат.

Секој ден после работата во продавницата „Атриум“ во Сохо, Андреј оди на станицата Grand Central Terminal на плоштадот Junior каде им ги дели обувките на бездомниците.

Сите чевли кои ги добива Мекдонел, сам ги носи во јавната перална и плаќа по 50-60 долари за да бидат чисти пред да ги подели.

До оваа идеја дошол пред 3 години, кога додека играл кошарка со другарите забележал неколку деца на улицата кои ги гледаат, но не можат да играат со нив за тоа што немаат патики. Тогаш им ги дал неговите.

Кога си одел дома го почувствувал асфалтот и секое камче на босите стапала и знаел дека мора да направи нешто повеќе.

Според него, најдобро е чувството кога ќе сретне некој од бездомниците како уште ги носи патиките кои му ги дал.

Знае дека му се благодарни, а тоа е само ситница која може барем малку да им го олесни животот.

• 
• 
• 
• 
• 
• 
• 
• 
• 
•