5 Работи кои веројатно не ги знаете за себе

Ако се погледнеме во огледало и започнеме да си поставуваме прашања за себе, ќе влеземе во еден целосно нов свет од мистерии и фасцинантни факти.

Најинтересно е што одговорите ќе бидат уште поинтересни и поспецифични, а ова се само дел од нив:

1. Вашето тело може да произведе аспирин

Сѐ што треба да направите е повеќе да консумирате овошје и зеленчук, кој во нашето тело се претвора во киселина, односно аспирин. Вегетаријанците секогаш имаат значително поголема количина киселина, што е логично, со оглед на фактот дека нивната исхрана се состои од овошје и зеленчук.

2. Со зевањето го ладите мозокот

За повеќето зевањето е знак на умор или „време” за спиење. Но, најновите истражувања покажале дека зевањето е начин на кој телото го лади мозокот, односно зевањето е термо регулатор. При зевањето внесуваме количина на надворешен ладен воздух во телото, што доведува до ладење.

3. Бојата на косата ја одредува густината

Бојата на косата може да ја одреди густината на косата, а русокосите се на врвот од пописот. Просечната човечка глава содржи 100.000 фоликули коса, од кои секоја во просек произведува по 20 влакна во текот на животот. Русокосите просечно имаат 146.000 фоликули, личностите со црна коса имаат 110.000 фоликули, а оние со светлокафена околу 100.000 фоликули. Луѓето со црвена коса се последни на листата со густа коса, со околу 86.000 фоликули.

4. Во просек поминуваме 6 години од животот во сонување

Една личност во просек спие по 8 часа на ден, тоа значи дека личноста преспива 1/3 од својот живот. Но, од таа 1/3 ние еден дел го поминуваме во сонување, а просечен човек поминува околу 6 години од животот во светот на соништата.

5. Вашето тело свети во мрак

Секако дека вашите очи не можат да го видат ова, но ултра чувствителните камери можат да забележат мала количина светлост која човековото тело ја емитува.