Емра Куртишова за CRNOBELO лексикон: „Татко ми ми беше и ќе остане мојот идол“

Детали

петок, 28 февруари 2025

„Најсмешниот комплимент што некогаш сум го добила е дека добро зборувам македонски“ - напиша Емра Куртишова во лексиконот на CRNOBELO.com.

Актерката Емра Куртишова, за многумина и денес е Исаура од македонскатиот ситком „Преспав“.

Но, оваа актерка зад себе има бројни улоги во својот матичен Театар за деца и младинци, како и филмски улоги, вклувајќи ја онаа на мајката на Џеј Рамадановски во биографскиот филм за починатиот пејач.

Овој пат, во разговор за CRNOBELO.com, Емра откри интересни детали за себе, кои не се многу познати во јавноста - за детството, училиштето, првиот бакнеж, но и за дел од нејзините омилени работи.

Прочитајте што напиша актерката во нашиот лексикон:

1. Како се викаш и дали имаш прекар?

Само Емра.

2. Колку години имаш и што си во хороскоп? 

Родена на 30.12.1985, Јарец во хороскоп.

3. Која ти е омилена песна? А пејач и пејачка?

Немам омилена песна. Мајкл Болтон, Стинг, Шаде, Еми Вајнхаус.

4. А омилена книга?

„Запишано во ѕвездите“ - Паринуш Сание.

5. Омилен глумец, глумица, филм, серија?

Дастин Хофман, Еди Редмејн од актери.

Од глумици ми се допаѓаат Џулиен Мур, Шарлиз Терон, Хилари Свонк... има повеќе.

6. Имаш ли омилен спорт, клуб, спортист? За кого навиваш?

Сакам ракомет уште од дете.

Љубовта кон тој спорт се роди затоа што во комшии каде што израснав имавме ракометарка, па понекогаш ме земаше на тренинзи.

И таа љубов трае до ден денешен.

7. Имаш ли милениче? Како се вика?

 Имам куче (Боно), три мачки (Мачор, Буба и Мина) и папагал (Рико).

8. Која е најчудната/најсмешната порака што си ја добила на Инстаграм?

Дека Инстаграмот ќе ми биде блокиран поради порнографска содржина.

9. Што сакаше да бидеш кога ќе пораснеш?

Тоа што сум денес.

10. Кој ти е омилениот пијалак? А храна?

Јогурт. Манџи.

11. Кој ти е најдобар другар/ка? Колку долго се дружите?

Во денешно време вистинско пријателство/другарство, речиси и нема. Јас сум задоволна со неколкуте луѓе во моето опкружување.

Долги години се во прашање, па така е стекната довербата, поддршката и сето она што подразбира пријателство.

12. Каков ученик беше? Кој ти беше омилен предмет?

Искрено, не сакав многу да учам, но сепак биологијата ми го држеше вниманието.

13. Кој ти е идол (а да не е позната личност)?

Татко ми. Обично додека сме деца, идеалното го гледаме во родителите.

За мене тој беше мојот херој, човекот кој имаше волшебно стапче за секој мој проблем или недоумица.

Во одредени ситуации знам и денес да си кажам „Ех, татко ми да го прашав...“ така што, да, тој ми беше и ќе остане мојот идол.

14. Кога би можела да си лик од цртаните, кој лик би сакала да бидеш?

Мрзливецот што работи на шалтер во Zootopia.

15. Кои ти беа најомилени игри во детството?

Жмурка, народна, одбојка преку железо за тресење теписи, плочка, ластик... сите!

Продолжува на следната страница...