Знаевте ли дека некогаш актерите се присилени да прифатат некоја улога, без разлика колку не ја сакаат? Уште почудно што неретко ова се улоги кои или ги направиле славни или кои станале препознатливи за нив. Одличен пример за ова е Даниел Крег. Актерот воопшто не крие дека му е „преку глава“ од улогата и еднаш изјави дека очајно сакал да се повлече од филмскиот серијал, но го натерале да се појави во уште неколку продолженија. Но, сега барем конечно му се исполни желбата – No Time to Die ќе биде последниот Џејмс Бонд филм со Крег во главната улога.