Олимписките игри во Токио требаше да се одржат минатата година, но беа откажани, односно преместени за 2021-ва поради пандемијата. Иако можеби во повеќето држави пандемијата стивнува, вирусот уште е помеѓу нас, па Олимписките игри во Токио ќе се одржуваат со многу строги правила за натпреварувачите. Очигледно, на натпреварувачите ќе им биде забранет физички контакт. Всушност, тие ќе одат во Олимпиското село што е можно поблизу до датумот на нивниот натпревар, а ќе си заминат веднаш потоа. Притоа, не смеат да имаат директен контакт со натпреварувачите од други држави. Покрај тоа, на Игрите ќе има и забрана за алкохол…