За жал, менталните нарушувања, вклучувајќи ја и депресијата, стануваат сè почеста појава, но обично луѓето кои страдаат од овие болести се плашат да зборуваат за нив. Самата депресија ги тера луѓето да имаат лошо мислење за себе, им ја убива самодовербата и ги тера да веруваат дека никој нема да ги разбере, дури ни најблиските. Но, депресијата е излечлива болест, а голем број славни кои ја надминале сега одлучуваат отворено да зборуваат за тоа. Со ова, пак, им помагаат на фановите кои се во иста состојба и ги мотивираат и тие да побараат помош. Од Канје Вест и Џони Деп, па сè до Кара Делавињ, погледнете кои славни личности имале депресија.