Ако поради пандемијата ви пропадна планот за патување и не посетивте некоја популарна дестинација во Европа, немојте да очајувате, бидејќи изгледа дека најатрактивните европски дестинации се само преценети. Венеција е дефинитивно најпопуларно место во Италија, но многумина кои го посетиле градот останале разочарани. Пред пандемијата, еден од најголемите проблеми беше огромниот број туристи, па ако сте ја посетеле Венеција тогаш, сигурно ќе требало да се справувате со огромните толпи народ. Истовремено, иако звучи примамливо тоа што низ градот има канали, а не улици по кои можат да се движат автомобили, набрзо ќе сфатите дека одењето пеш е најлесниот начин да го разгледате градот, а не секој може да шета со часови.