Многу луѓе сакаат да ослабат, но проблемот е што повеќето сакаат брзи резултати. Поради ова пробуваат сè и сешто, дури и работи кои можат сериозно да им го загрозат здравјето. Поради некоја причина, гладувањето е метод за слабеење што го користат многу луѓе, но ова не само што не е ефикасно, туку може да ви предизвика многу проблеми со здравјето. Друга честа грешка при слабеењето се таканаречените „брзи“ диети, кои ветуваат дека ќе ви дадат резултати за краток временски период. Проблемот со овие диети е што ве тераат да се откажете од храна која содржи многу корисни материи, а покрај тоа, кога ќе ја прекинете диетата, килограмите дефинитивно ќе се вратат.