Ако ја изгледавте The Queen’s Gambit, а не знаете да играте шах, веројатно барем еднаш сте помислиле да ја научите оваа генијална игра. Правилата на шахот се едноставни – секоја фигура може да се движи на одреден начин, а вашата цел е да го „заробите“ кралот на противникот. Но, само затоа што правилата се лесни, не значи дека веднаш ќе станете експерт. Шахот е игра која бара стратегиско размислување, постојат безброј комбинации и ако сакате да победите, ќе треба секогаш да бидете еден чекор пред противникот. Сепак, и експертите почнуваат од нула, а со ова видео можете да ги дознаете основните правила и тактики во играта.