Обично кога станува збор за тинејџерски филм, очекуваме некоја забавна приказна која не опфаќа многу сериозни теми. Но, некои тинејџерски филмови пренесуваат навистина длабоки пораки. Се сеќавате на филмот Juno? Главниот лик во филмот е 16-годишна девојка по име Џуно која останува бремена, а филмот многу добро ги прикажува проблемите и предизвиците кои доаѓаат со тинејџерската бременост. Истовремено, ова е филм и за пријателството, односот на родителите со децата тинејџери, како и бројните проблеми кои доаѓаат со оваа возраст.