На многу од нас ни се случува да купиме повеќе зеленчук од потребното, што на крај не успеавме да го изедеме, па треба да го фрлиме. Ако често ви се случува ова, тогаш имаме одличен предлог за вас – домашна пица направена со преостанатиот зеленчук. За овој рецепт треба да купите само готово тесто за пица и кашкавал, а потоа само додадете го зеленчукот што сте го заборавиле во фрижидерот. Приготвувањето нема да ви одземе повеќе од 30-тина минути, а на крај ќе имате здрав и вкусен оброк од намирниците што најверојатно би ги фрлиле.