Принцезата Маргарет е помладата сестра на кралицата Елизабета и се чини дека целиот живот била во нејзина сенка. Животот на Маргарет бил исполнет со безброј проблеми – најпрво не ѝ дозволувале да се венча со љубовта на нејзиниот живот, а бракот којшто ѝ го одобриле завршил со бурен развод. Со години, Маргарет пушела многу цигари и веројатно поради тоа ѝ се појавиле проблеми со белите дробови. Таа имала сериозна пневмонија и неколку мозочни удари, од кои последниот бил причина за нејзината смрт.