Веќе неколку месеци целиот свет се обидува да се справи со пандемијата со новиот корона вирус. Токму поради ова, во сите држави ширум светот беа воведени разни мерки, со цел да се избегне заразата и да се спасат многу човечки животи. Но, некои славни се однесуваат како за нив да не важат никакви правила, па бесрамно ја прекршија една од најважните мерки – држењето дистанца. На пример, иако експертите со месеци апелираат да не се прават забави и прослави, Кајли Џенер си организира роденденска забава. Таа сигурно била свесна дека ова е погрешно, но наместо да ја откаже забавата, само ги замолила гостите да не објавуваат ништо на социјалните мрежи.