Сите ние плачеме – некогаш од среќа, некогаш од тага, некогаш поради некоја сосем друга причина. Но сте се запрашале ли некогаш зошто воопшто плачеме? Изгледа дека ова не е бескорисно туку, напротив, му годи на нашиот организам. Знаевте ли дека плачењето ни помага полесно да се справиме со загубата? Речиси сите луѓе во светот изгубиле некоја сакана личност, а неретко, во овие моменти плачењето може да биде и неконтролирано. Но, токму тоа може да ја намали емоционалната болка и да им помогне на луѓето полесно да се справат со загубата.