Колку и да сте внимателни, понекогаш повредите се неизбежни. Сите барем еднаш во животот сме се соочиле со некаква повреда, но најчесто тоа не било ништо сериозно. Бидејќи и славните се само луѓе, и нив неретко им се случуваат вакви незгоди, а некои преживеале навистина страшни повреди. Се сеќавате ли на актерот Кристофер Рив, кој го глумеше Супермен? Неговата повреда е една од најпознатите во шоу-бизнисот. Додека јавал коњ, актерот паднал и толку се повредил, што лекарите едвај му го спасиле животот. За жал, оваа повреда го остави Кристофер парализиран сè до неговата смрт во 2004-та.