Миењето заби е првото нешто што го прават повеќето луѓе наутро, и тоа со причина. Сите знаеме дека на овој начин ги штитиме забите од кариес, а ретко кој би сакал да има пожолтени или расипани заби. Но што ако од денес одлучите да престанете со миење заби? Очигледно е дека уште следниот ден, вашите заби ќе бидат жолти и валкани. Јасно е и дека со текот на времето ќе почне да се развива и кариес. Но, изгледа дека запоставувањето на оралната хигиена може да води до многу други непријатни, па дури и опасни здравствени проблеми.