Ако се појавите во голем филм, ќе ви платат и многу пари, зарем не? Изгледа одговорот дефинитивно е „Не“. Всушност, многу фактори се земаат предвид пред да се одреди платата на еден актер. А, очигледно, платата не зависи од успехот на актерот, ниту од „големината“ на филмот. Па така, за својата улога во „The Wolf of Wall Street“, Џона Хил добил само 60.000 долари. На прв поглед, ова не е мала сума, но кога ќе земете предвид дека Леонардо ди Каприо зема 10 милиони од истиот филм, ситуацијата станува поразлична. Џеф Даниелс, пак, за својата најпрепознатлива улога во „Dumb and Dumber“, добил само 50.000 долари.