Оскарот е најпрестижната награда во филмската индустрија и обично кога некој ќе ја добие, се очекува неговата кариера да се движи во нагорна линија. Но, за некои актери и актерки, златната статуетка била како клетва. Нема личност која не слушнала за Николас Кејџ, а актерот доби Оскар уште во 1996-та. Но, поради некоја причина, Кејџ се појавува во кој било филм што ќе му го предложат, па понекогаш изгледа како воопшто да не го чита сценариото. Иако е еден од подобрите актери што сме ги виделе во 21-виот век, изгледа нема да го повтори успехот од 1996-та.