Некои изуми навистина имаат моќ да го променат светот, а веројатно им носат и многу пари на нивните изумители. Но, не сите изумители имаат среќа да заработат за она што го направиле. Всушност, луѓето кои стојат за некои од најпопуларните изуми не добиле ни денар за нивната работа. Дали некогаш сте ја играле играта Tetris? Алексеј Паџитнов е личноста која стои зад оваа игра и иако го има целото признание, тој не успеал да заработи ништо кога играта го достигнала својот врв. Кога од Nintendo ја откупиле играта за околу 40 милиони долари, Алексеј не добил ниту еден цент.