Веројатно многу пати ви се случило да заборавите да ручате или да се сетите дека не сте јаделе дури од претходната ноќ. Можеби тогаш ќе се утешите мислејќи дека тоа е добро за вашата линија, но изгледа дека реалноста е поразлична. Луѓето држат секакви диети од разни причини, но најмногу за да изгледаат подобро. Но, без разлика за што сакате да држите диета, никогаш не би требало да гладувате цел ден. Чувството на глад и заморот не се најлошите последици од гладувањето. А, доколку не верувате, погледнете што сè се случува со вашето тело кога гладувате, па можеби ќе си го промените мислењето.