Shabby chic за романтичен дом

Шаби чик е стил на уредување на домот кој дефинитивно моментално ги доживува своите 5 минути слава. Комбинација на белата боја со пастелните нијанси пред сè ги одушевува жените и девојките кои сакаат топли ентериери.

Тајната на шаби чик стилот е несовршеноста, топлината и романтиката на домот која нè враќа во минатото, но е одлична комбинација за модерниот стил и начинот на живот.

Посебноста на овој стил на уредување е што мебелот и деталите мора да бидат малку постари од вообичаено.

Најдобро од сè е што не може да погрешите во уредувањето на домот во ваков стил. Важно е мебелот да биде дрвен, во светли пастелни бои, со мали чипкани детали.

Декорациите може да бидат секој стаклен сад кој ви се наоѓа во домот, со многу рози во светли бои, послужавници,порцелански стари цветни шолји за чај,огледала, уникатни часовници и ламби на мали наткасни.

Ова се нашите омилени идеи како може да го уредите домот во шаби чик стил.