Уредете го домот модерно и минималистички

Ако сте љубител на чистите бои и јасни линии, пробајте да ги примените во ентериерот на вашиот дом.

Минималистичкиот стил е модерен и практичен стил за уредување на домот. Лесно може да го постигнете ефектот на чиста и еднобојна соба, со примена на само неколку правила.

Задржете се до една боја. Кога избирате мебел, полици, па дури и украси за вашиот дом задржете се до една единствена боја. Белата или пак неутралната крем нијанса е совршен избор. Дозволете си мала промена на бојата исклучиво кога станува збор за перниците кои внесуваат топлина во собата или пак некои интересни детали и украси на полиците. Во секој случај, ќе мора да се ослободите од шарените тапети, материјали и предмети за да го постигнете минималистичкиот стил.

Светлината нека биде неизоставен дел од секоја просторија. Брзо и едноставно решение се големите прозорци на кои нема да додадете ролетни или пак завеси. Уште еден трик со кој ќе ја осветлите собата која сте ја одбрале за ваков стил е да и додадете многу огледала. Рефлектирањето на светлината има посебна улога во минималистичкиот стил.

Едноставни, но интересни детали. Класичните полици претворете ги во интересно парче мебел. Едноставно наредените книги разместете ги на купчиња, така што врз секое купче ќе додадете мал кактус или зеленило. Стаклените предмети се уште еден избор кој прекрасно ќе се вклопи во минималистичкиот ентериер. Додадете нестандардни и модерни елементи кои ќе го освежат вашиот дом.

За мала инспирација погледнете ги едни од најубавите минималистичко уредени соби, кои можеби ќе ја разбудат вашата креативност.