По 20-месечна битка Северина откри: „Ми се врати детето дома“
- Детали
- понеделник, 30 август 2021
„Ми се врати детето дома“ - по 20-месечна судска битка конечно хрватската пејачка сподели убави вести со публиката.
По краткиот одмор во Задар и откако конечно стави и официјално крај на бракот со Игор Којиќ, хрватската пејачка Северина одлучи да сподели убави вести со публиката во Црна Гора. Таа накратко кажа дека конечно нејзиното дете се вратило дома.
Видеото во кое таа ги споделува убавите вести е објавено на Инстаграм профилот на магазинот Story:
„Се случуваат убави нешта, така што на моето родено дете ќе му отпееме една весела песна. Не можам да ви кажам сè уште за што се работи, но ми се врати детето дома“ – рече хрватската пејачка Северина.
Северина додаде дека публиката на концертот прва ги дознава убавите вести и дека информациите сè уште не се објавени во јавност, но очигледно не можеше да ја крие среќата.
Северина го доби синот Александар во врската со Милан Поповиќ, со кого подолго време води судска битка за старателството. Во еден период малиот Александар живееше седум дена кај татко му, па седум дена со мајка му, а во 2019-тата година, се случи преседан, кога на пејачката ѝ беше одземено старателството над синот, па имаше право да го гледа многу ретко.
Таа во последните две години можеше да го гледа Александар во вторник и четврток од 15 до 20 часот и секој втор викенд. За време на викендите таа можеше да го преземе детето во сабота во 10 часот и да го врати на Милан во недела до 20 часот.
Прочитајте и „Ништо не боли повеќе од страдање за детето“ - 10 месеци откако „привремено“ ѝ го одземаа синот на Северина
Б. С. Б. | Црнобело
Би можело да ве интересира:
Препорачуваме
Најчитани неделава
