Николија во градник и проѕирно здолниште го промовира новиот албум: „На ќерките не им ја пуштам мојата музика“
- Детали
- вторник, 19 март 2024
„Не ги критикувам родителите што ги пуштаат нашите песни пред децата, но тоа не е музика за деца“ – рече пејачката Николија Јовановиќ на промоцијата на нејзиниот најнов албум, на која се појави во смело издание со црн градник и проѕирно здолниште заедно со партнерот Реља.
Српската пејачка Николија Јовановиќ, која е ќерка на фолк пејачката Весна Змијанац и партнерка на Реља Поповиќ, синоќа (18.03) го промовираше својот нов албум, насловен „Лавина“.
Нејзиниот партнер Реља ѝ беше најголема поддршка во текот на вечерта и гордо позираше со неа.
Голем број нивни пријатели и музичари од т.н. нов музички бран се собраа на промоцијата на албумот, а Николија даде и кратка изјава за медиумите.
Таа рече дека на последниот албум работела околу 1 година, а во последните 7 месеци поинтензивно.
„Јас велам дека работам како драгстор, дење и ноќе. Имав над 50 соработници, дадовме сѐ од себе и работевме со многу љубов, мислам дека затоа резултатите се вакви.
фото: Јутуб - принтскрин
Реља ми беше најголема поддршка во овој процес. Кога ќе се стемни и ќе си дојдам дома, тој секогаш ме слуша за сите мои страсти, стравови, возбудувања... Јас сум перфекционист, а тоа е една од моите маани“ – рече Николија.
Таа вели дека на албумот нема дует со сопругот затоа што тогаш албумот би излегол следната година и дека процесот кога тие прават дует е многу комплициран.
Николија се пофали дека мајка ѝ Весна е горда на албумот, а многумина ги изненади нејзиниот одговор за тоа дали нејзините две ќерки ги слушнале новите песни на мајка им.
„Не. Тие ја слушнаа песната ‘Лавина’ и го видоа спотот, но генерално јас на ќерките не им ја пуштам нашата музика, затоа што тоа не е музика за деца. Има тешки зборови и сметам дека тоа не се песни што децата треба да ги слушаат.
Не ги критикувам родителите што ги пуштаат моите песни, тоа е во ред, личен избор, само јас на моите ќерки не им пуштам таква музика“ – изјави Николија.
Инаку на промоцијата се појавија голем број познати српски музичари, меѓу кои и српската претставничка на Евровизија Теја Дора, како и Едита Арадановиќ, која никој не ја препозна затоа што на настанот дошла директно од базен и со виткана коса.
Погледнете уште неколку фотографии од Николија во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
