Летен десерт без печење: Тирамису готово за 15 минути

Тирамису е еден од десертите на кои ретко кој може да им одолее, посебно заради специфичниот вкус и неговата едноставност.

Одличен за топлите летни денови кога навистина сакате да се изладите со нешто благо, кое сепак не е сладолед и не содржи преголема количина на шеќер.

Маскарпоне сирењето е тајната состојка која му дава специфичен вкус и благодарение на која овој десерт се издвојува од сите останати.

Со помош на овој лесен и едноставен рецепт ќе научите како сами дома да го направите највкусното тирамису кое некогаш сте го пробале.  

Потребни состојки:

• 250g сирење маскарпоне
• 3 јајца
• 60g шеќер
• кафе (по желба во кафето може да се додаде рум, амарето или некој друг алкохол)
• плазма бисквити
• какао

Подготовка:

Најпрво подгответе го кафето и додадете му шеќер по желба.

Изматате ги убаво жолчките со шеќерот и потоа додадете го маскарпоне сирењето и продолжете да мешате.

Во друг сад убаво изматете ги белките додека не добиете густа смеса.

Додадете ги изматените белки во садот со жолчките и мешајте одозгора-надолу.

Земете чаши за послужување и ставете малку од добиениот крем, потоа натопете ги плазма бисквитите во подготвеното кафе и ставете ги над кремот. Повторете ја постапката според големината на чашата и според тоа колку слоја саката да имате. На крајот наросете со какао.

Ставете ги чашите во фрижидер најмалку 3 часа и потоа се подготвени за послужување.

М. С. | Црнобело