Кремасти тестенини со сланина, пилешко и многу кашкавал
Иако се малку „тешки“ поради комбинацијата од сланина, пилешко и кашкавал, па нема да може да изедете многу, овие кремасти тестенини се превкусни.
Најубавата работа поврзана со тестенините е што можат да се комбинираат буквално со сè. А од вкусовите кои можеби не сте ги комбинирале, е сланина со пилешко и кашкавал.
Пробајте го, сигурно ќе ви се допадне.
Потребни состојки:
- 1 пакетче тестенини (по желба)
- 5 подебели парчиња сланина
- 1 парче пилешки гради
- Сол, бибер, лук (и кромид) во прав по вкус
- 2 лажици путер
- ¼ кромид
- 3 чешниња лук
- 150ml неутрална павлака
- 60g чедар
- 60g моцарела
Начин на подготовка:
- Сварете ги тестенините во посолена вода, ал денте. Водата не ја фрлајте.
- Исечете ги резанките сланина на парчиња, па пржете ги во тава на малку маслиново масло (додека да станат крцкави).
- Извадете ги од тавата и ставете ги на хартија за да се впие вишокот маснотии.
- Пилешките гради исечете ги на покрупни парчиња, па зачинете ги со сол, бибер, кромид/лук во прав, по вкус.
- Пржете го пилешкото во истата тава во која се пржеше сланината. Кога ќе биде готово, извадете го од тавата, па и него ставете го на хартиена крпа за да го впие вишокот маснотии.
- Во истата тава додадете 2 лажици путер и штом се стопи, на путерот препржете ¼ кромид исечкан на ситни коцки и 3 чешниња ситно сечкан лук.
- Кога ќе зацрвенат, додадете 150ml неутрална павлака. Оставете да зоврие, па зачинете по вкус.
- На крајот додадете ги изренданиот чедар кашкавал и моцарелата. Ќе добиете кремаста смеса.
- Во неа, ставете ги варените тестенини, малку вода од тестенините и пилешкото + сланината.
- Ако смесата ви е густа, додадете уште малку вода од тестенините.
- Оставете ги тестенините и сосот да се спојат неколку минути на оган, па додадете малку пармезан и оригано (по желба) и послужете ги.
Видео постапка:
А. Ј. | Црнобело
Би можело да ве интересира:
Прсти да излижете: Кремасти шпагети со тиквички во сос од 2 вида сирење
Кремасти шпагети кои се топат во устата... Пробајте го овој италијански рецепт и...
Рецепт за кремасто орзо со пилешко и лимон
Ако досега не сте ги вклучиле орзо тестенините во своето мени, ви предлагаме да ...
Сочно пилешко полнето со печурки, црвени пиперки и бешамел сос
Ако барате нова идеја за ручек со пилешко, пробајте го овој вкусен рецепт за пил...
Есенски деликатес: Полнети компири со сланина од кои се тегне кашкавал
Неодолив есенски рецепт за деновите кога сакате да останете дома и да уживате со...
Вкусни тортелини со пилешко на италијански начин, готови за 30 минути
Поради спојот од вкусови – спанаќ, пилешко, домати и кашкавал, овие тортелини ќе...
Шпагети со спанаќ и фета сирење по италијански рецепт - прсти да излижете
Италија е позната по вкусната храна - што значи овој брз рецепт за тестенини и с...
Препорачуваме
Најчитани неделава
