Во Македонија најчесто се препорачува топла супа против настинка, а што јадат луѓето низ светот кога се болни?
Кога бев мала секогаш кога ќе настинев мајка ми подготвуваше топла супа, а баба ми чај или млеко со „прегорен шеќер”. Ова се некои од традиционалните лекови против настинка во Македонија, а што јадат луѓето низ светот кога се болни?
Најчесто и во другите земји низ светот се препорачува супа за настинки, но е подготвена на различни начини од нашата добропозната пилешка супа која лечи сè, народски кажано секако, не буквално.
Во продолжение погледнете каква храна јадат луѓето низ светот кога се болни:
Кичди - Индија и Пакистан
За да се направи кичди, белиот ориз и леќата се готват заедно и често се преливаат со ги (прочистен путер) и со урда.
Пастина - Италија
Секако тестенините им се омилени на Италијанците. Пастините доаѓаат во различни форми и се спремаат исто како и макароните и шпагетите.
Супа со нудли - Кина
Ништо не е подобро од супа кога се чувствувате лошо, а во Кина, супата е подобра со нудли во неа. За дополнителни хранливи материи и вкус, во супата додаваат пржено јајце и зеленчук.
https://www.instagram.com/p/Ck-pB_1DyK4/
Роуроу супа - Фиџи
Зелениот лиснат зеленчук е задолжителен за луѓето кои сакаат да ги надополнат изгубените хранливи материи што му се потребни на телото кога се болни.
Листовите тарос, кои ги има во изобилство на Фиџи, се користат и се варат во кокосово млеко или вода и се добива одлична супа.
Оризова каша со риба - Сингапур
Ова јадење кое лесно се подготвува е едно од омилените во Сингапур без разлика дали некој е болен или само гладен. Обична оризова каша се прелива со парчиња риба, се зачинува со ѓумбир, соја сос и бибер и се вари.
Уште 5 специјалитети за настинки на следната страна...
Би можело да ве интересира:
Препорачуваме
Најчитани неделава
