Неочигледни фактори кои влијаат на лошиот сон, без да знаете

Доколку не можете добро да се наспиете и кога ќе се разбудите се чувствувате уморно, може да правите нешто погрешно во текот на претходниот ден.

Иако на многумина не им е јасен овој проблем и сметаат дека најлесно е да легнеш и да заспиеш, сепак голем дел имаат мака со сонот.

Како и на многу други работи, така и на сонот влијае животниот стил и навиките кои ги имате и правите секојдневно.

Со тоа несвесно му наштетувате на сонот и не можете доволно добро да се наспиете.

Во продолжение погледнете кои неочигледни фактори влијаат на тоа:

1. Прејадувањето нема да ви помогне за добар сон, но ниту легнувањето гладни ќе влијае позитивно на спиењето, па затоа не ги слушајте сите и практикувајте лесна вечера.

2. Ако се преспивате во текот на денот, имате повеќе попладневни дремки и секојпат заспивате пред телевизор или во автобус на пат кон дома, нормално е навечер да не му е потребно на телото толку сон и си го влошувате квалитетот на спиењето.

3. Иако можеби ви нема логика, прескокнувањето на појадокот го влошува вечерниот сон, бидејќи тој оброк го обележува почетокот на биолошкиот часовник и телото почнува да одбројува до вечерното спиење.

4. Ако мислите дека нередот околу вас не ви влијае, сепак потсвесно тоа ви влијае, па ако последното нешто пред спиење што сте го виделе е хаосот околу вас, тогаш и сонот ќе ви биде хаотичен.

5. Сигурно веќе ви е познато дека подобро се спие кога просторијата е посвежа, па свесни сте дека пуштањето греење на посилно може да ви го наруши сонот.

6. Иако некогаш мислите дека бучавата во околината или од телевизорот не ви пречи, сепак потсвесно може да ви го расипува сонот.

М. М. | Црнобело