20 тајни на луѓето кои никогаш не се разболуваат

Дали сте од оние кои постојано се разболуваат, без оглед на месецот кој го покажува календарот? Добре дојдовте во клубот. Веројатноста е дека имате послаб имунитет од многу други луѓе или страдате од некој вид на алергија.

Сепак, многу од вашите навики придонесуваат за вашето често разболување. Доколку сакате да украдете некоја навика, односно тајна од луѓето кои не се разболуваат скоро никогаш, време е да ги дознаете:

Редовно дремнуваат

Докажано е дека недостатокот на спиење предизвикува зголемување на телесната тежина, води до компромитиран имунолошки систем и го зголемува производството на кортизол, хормон кој предизвикува стрес.

Факт е дека до околу 13 век и откривањето на механичките часовници, луѓето секојдневно одвојувале време за дремка. Најдобро време за кратка дремка: од еден до три часот попладне.

Затоа дремнувајте секој ден, макар само 15 минути.

Не пијат алкохол пред спиење

Иако можеби чувствувате дека ќе паднете во длабок сон по само една чашка алкохол пред легнување, тој всушност го нарушува циклусот на спиење и квалитетот на вашиот сон.

Спиењето врши закрепнување на имунолошкиот систем; намалувањето на пиењето ќе ви помогне вашето тело да се заштити од штетните бактерии на кои може да наидете.

Обожаваат чај

Самиот процес на пиење чај, како и вдишувањето на пареата што се произведува од топлиот напиток ќе ги стимулира фоликулите во носот, со што ќе ви биде полесно да ги отстраните бактериите од носот додека дишите.

Имаат исполнета друштвена агенда

Можеби сметате дека дружбата и многуте пријатели и излегувања не се вбројуваат до позитивните фактори како исхрана и вежбање кога станува збор за добро здравје.

Но, истражувањата покажуваат дека добрите пријатели можат да заштитат од сè, од губење на меморијата до срцеви напади, па дури и заразни болести. Дружбата и комуникацијата со други луѓе ја зголемува самодовербата, што пак го поддржува имунолошкиот систем.

Јадат доволно протеини

Луѓето кои јадат помалку протеини се најдоа на листата со изразено послаб имунолошки систем. Обидете се секојдневно да вклучите храна богата со протеини за време на секој оброк.

Рацете ги чуваат до себе

Секогаш кога тоа е можно – најдобро е да ги задржите рацете до себе. Ова најмногу се однесува на јавните простори, каде што би требало да се воздржиме од допирање работи и предмети.

Сметајте дека автобусите, болниците, јавните скали биле допрени од стотици луѓе пред вас и веројатно на нив веќе има налепено безброј штетни бактерии.

Одат на масажа

Зајакнете го вашиот имунолошки систем со квалитетна масажа на секои неколку недели. Вашата циркулација ќе се подобри и клетките ќе се нахранат со дополнителен кислород и крв, што може да го зајакне вашиот имунолошки систем.

Внимаваат колку шеќер внесуваат

Шеќерот ја спречува способноста на белите крвни клетки да ги уништуваат вирусите и бактериите кои влегуваат во нашиот систем, односно - што помалку шеќер внесуваме во организмот со толку помалку болести и ќе се бориме.

Не си го чепкаат постојано лицето

Доколку хронично ги гризете ноктите или постојано си го чепкате и допирате лицето, ставете крај на оваа лоша навика и ќе видите дека ќе се разболувате многу помалку.

Секогаш кога посакате да го допрете сопственото лице, потсетете се дека пренесувате штетни бактерии на носот и устата. Мијте ги редовно рацете, особено после отворањето врати и лифтови.

Излегуваат на свеж воздух

Додека многу луѓе мислат дека студениот воздух предизвикува да се разболите (особено во текот на зимската сезона) всушност, колку повеќе време поминувате надвор, толку поздрави сте.

Обидете се да поминете малку време надвор секој ден, без оглед на температурата.

Уште 10 здрави навики на следната страна...