Пред да си легнете помислете на овие работи

За да си ја вратите потрошената енергија во текот на денот, најважен е добриот сон. Секојдневно сме бомбардирани со најразлични информации, па убаво е чувството кога можете да се вовлечете во креветот и да заборавите на сè.

Но, некои имаат проблем кога мозокот одбива да им се исклучи и треба да се борат со мислите кои им надоаѓаат.

Пред да си легнете обидете се да се концентрирате на неколку мисли:

Мисли за работите за кои сте благодарни

Добро е ако можете и да ги запишете. Размислувањето за она што сте благодарни ќе ви го подобри денот, ќе ве направат посреќни и ќе ви го зајакнат имунолошкиот систем.

Замислете успешен утрешен ден

Сите сонуваат за успешна кариера. Размислувањата за остварувањата на овие цели ќе ви помогнат подобро да спиете. Некои од најуспешните луѓе во светот пред да си легнат замислуваат позитивен исход на резултатите кои ги очекуваат следниот ден, што им помага во текот на тој ден да донесат многу реална одлука.

Размислувајте на нешто позитивно

Броењето овци нема да ви помогне, затоа концентрирајте се на нешто што ве опушта, на пример, повторувајте ја позитивната мантра или замислете убава слика на природа. Оваа постапка има две предности, не бара голема мозочна активност, а последната убава мисла ќе ви овозможи и поубав сон.

Не размислувајте на мејловите

Всушност, не размислувајте на ништо поврзано со вашиот телефон или компјутер, изгаснете ги и заборавете ги. Истражувањата покажуваат дека гледањето во осветлениот екран го нарушува сонот.

Избегнувајте навраќање на кавгата која сте ја имале во текот на денот

Никогаш не смеете да си легнете бесни и лути. Ако не ги исфрлите негативните емоции од себе, во сонот може само посилно да ви се одразат. Решете ги проблемите пред да си легнете.

Не се опседнувајте со обврските кои не сте ги завршиле

Ако ви завршил денот, а не сте стигнале да завршите сè што сте планирале, не очајувајте. Ноќта без енергија не можете да направите ништо, сонот ви е неопходен, а ако мислите на обврските нема да успеете ни да заспиете ни да си ја вратите енергијата, што значи ќе си направите двојна штета. Затоа заборавете на сè што е негативно.