Како да го забрзате доаѓањето на менструацијата, на природен начин?

Се ближи важен датум или одмор, викенд или излет, а со него и најголемиот женски проблем? Сакате да го забрзате целиот процес и пред време да се ослободите од таа грижа? Еве неколку потполно природни и сигурни трикови кои ќе ви ја исполнат желбата.

Топла купка и облоги

Можеби еден од најбрзите методи за забрзување на циклусот е топлата купка. Не само што ве релаксира, туку и ве ослободува од ПМС симптомите. На ист начин делуваат и топлите облоги во пределот на стомакот.

Витамин Ц

Според некои истражувања, витаминот Ц може да доведе до предвремено доаѓање на циклусот. Трудете се да го внесувате на природен начин, наместо преку таблети. Консумирајте црни рибизли, жолти и црвени пиперки, портокали, киви...

Вежби

Добри се за општо здравје, за помалку болни менструации, но и за подобрување на циркулацијата. Сепак, избегнете ги интензивните вежби и фокусирајте се на оние кои го подобруваат крвотокот низ телото.

Храна

Избегнете ја претерано солената храна, која ви создава чувство на подуеност. Наместо тоа, консумирајте храна богата со каротен – папаја, морков, кајсии, праски, спанаќ...

Чаеви

Со чаевите бидете внимателни. Пијте само по 2 чаши и тоа од следниве неколку билки: камилица, ѓумбир, магданос, рузмарин, жалфија, лист од малина...