12 Хранливи состојки кои ве прават посреќни

Знаете ли дека на вашето расположение може многу да влијае она што го јадете во текот на денот? Постојат одредени витамини и минерали кои му се потребни на организмот за да функционира подобро, но и за да се намали нивото на стрес во организмот, со што значително ќе се подобри вашето расположение.

Погледнете што би требало да јадете за да бидете посреќни

1. Витамин Б12

Одредени бактерии кои живеат во стомакот на животните  се едни од организмите кои произведуваат витамин Б12. Овој витамин се акумулира во ткивата на животните, а најконцентриран е кај кравите, козите, рибите и школките. Витаминот Б12 ја регулира експресијата на гените, што значи го спречува формирањето на канцерогени клетки.

Многу од обработената храна е полна со фолна киселина која може да го замаскира витаминот Б12, а знаци кои укажуваат на тоа се агресија, опсесивно-компулсивно однесување, замор и треперењето на рацете или нозете.

Ниската количина на Б12 во крвта може да доведе до деменција и депресија.

Најдобри извори: школки, риба, џигери, говедско месо и јајца

2. Јод

Јодот е нутриент кој се наоѓа скај сите животни потребен за да живеат, но може да се внесе и по пат на исхрана. Јодот е од исклучителна важност за добрата работа на штитната жлезда, бидејќи таа го регулира метаболизмот. Нарушеното работење на штитната жлезда може да доведе до пад на нивото на енергијата, лоша концентрација, депресија, психички нарушувања, мигрена, дебелеење, рак на дојка, инфекција, стерилитет и срцеви заболувања.

Најдобри извори: морска трева, риба, школки, ракови, јајца, млеко, месо и лушпа од компири.

3. Магнезиум

Магнезиумот е минерал кој го смирува умот , нервите и мускулите , а се користи и за лечење на клиничка депресија. Магнезиумот го штити мозокот од амонијак, ги опушта крвните садови и штити од срцеви заболувања и дијабетис . Зголеменото ниво на магнезиум во мозокот го подобрува помнењето и учењето, додека недостатокот на овој минерал може да доведе до депресија, анксиозност, психички нарушувања, несоница и премор.

Најдобри извори: брокула, брашно од цело зрно пченица, лосос, грав и семки од сончоглед

4. Добар холестерол

Внесувањето на холестеролот има многу мало влијание на нивото на холестеролот во крвта, бидејќи ако не внесувате доволно јајца и лосос кои се богати со холестерол, тогаш пропуштате најбогати извори на нутриенти кои се есенцијални за добра мозочна функција. Високото ниво на добар холестерол се поврзува со подобрената меморија и расположение кај старите луѓе. Исто така, холестеролот спречува деменција.

Најдобри извори: јајца, лосос, месо, млеко, сирење

5. Витамин Д

Како на билките, така и на луѓето им е неопходен витаминот Д за да преживеат. Сонцето го трансформира холестеролот во нашата кожа во витамин Д, кој е есенцијален за контрола на експресијата на гените. Ниското ниво на витамин Д се поврзува со бројни психички нарушувања, вклучувајќи ја депресијата, деменцијата, Паркинсовата болест и 17 типови канцер. Недостатокот на витамин Д исто така се поврзува со слабиот имунитет.

Најдобар избор: сончева светлина, риба, путер и печурки кои биле изложени на сонце.

6. Калциум

Недостатокот на калциум може да доведе до анксиозност, депресија, раздразливост и лошо помнење. Кога нивото на калциум е ниско во крвниот систем, овој нутриент од организмот црпи од коските за да го надомести недостатокоот што може да доведе до остеопороза. Константниот недостаток на калциум може да доведе до хормонален дисбалан, дебелеење и тежок ПМС.

Најдобри извори: сардините, млекото, јогуртот, кељот, зелката, сенфот, спанаќот, бадемите и оревите

7. Влакна

Ако не внесувате доволно влакна тоа може да доведе до депресија. Влакната ја намалуваат инфламацијата во телото и ги намалуваат осцилациите на нивото на шеќерот и инсулинот во крвта кое со текот на времето може да ја оштети мозочната бариера која ги задржува токсините надвор од мозокот. Таа бариера го штити мозокот од губење на меморијата и за правилно развивање. За да внесувате влакна во организмот важно е да јадете многу зеленчук.

Најдобри извори: брокула, кељ, грав, овошје

8. Фолна киселина

Фолната киселина овозможува подобра работа на неуротрансмитерите во организмот. Ликвор, течноста која го исполнува мозочниот простор, содржи четири пати повеќе фолна киселина од крвта. Високата концентрација на фолна киселина во крвта се поврзува со смалувањето на негативните мисли и клиничката депресија.

Фолната киселина го подобрува расположението бидејќи го поттикнува создавањето на омега 3 и го штити мозокот од инфламација.

Најдобри извори: спанаќ, кељ, црвен грав

9. Витанмин А

Витаминот А го има во морковот, но во многу мала количина. За разлика од него, во единствено место каде се крие овој витамин во големи количини е во масното ткиво од животинско потекло.

Имено, делот од мозокот кој е задолжен за создавање на нови клетки хипокампусот , се наоѓаат голем број на рецептори за витаминот А. Овој нутриент го поттикнува создавањето ензими кои го создаваат допаминот, а тој е клучен за доброто расположение, помнење и учење.

Најдобри извори: џигери, белки од јајце, остриги, путер и полномасно млеко.

10. Омега 3

Есенцијална масна киселина потребна за секоја клетка на човечкиот организам. Овие масни киселини ги откриле научниците кога дознале дека Ескимите внесуваат голема количина на омега 3 во организмот и затоа не патат од срцеви заболувања.

Исхраната богата со омега 3 спречува депресија, дебелеење, рак и срцеви заболувања.

Најдобри извори: рибино масло, сардина, лосос, јајца и млеко.

11. Витамин Е

Тој го штити мозокот од слободните радикали и нервите бидејќи ги блокира инфламаторните сигнали кои ги уништуваат мозочните клетки. Значаен е за старите луѓе бидејќи ги подобрува когнитивните способности, како и тоа дека го намалува ризикот од добивање Алцхајмерова болест.

Најдобри извори: бадеми, маслинки, цвекло, шеќерна репка.

12. Железо

Железото е потребно за мозочните клетки да создаваат енергија и правилно да функционираат. Тоа е од големо значење за транспортот на хемоглобинот низ организмот. Помага при концентрација во учењето и влијае на доброто расположение.

Најдобри извори: школки, говедско месо, свинско месо и џигери.