Најздрави пролетни сокови за енергичен почеток на денот

Соковите од овошје и зеленчук се идеален начин да го започнете денот, а притоа се совршен борец против пролетната мрзливост.

Витамините и хранливите состојки од овие сокови брзо се апсорбираат, го подигнуваат имунитетот и го освежуваат целиот организам.

Сок од виолетова зелка

Вкусен сок преполн со витамин Ц и пријател на сите сетила.

Ќе ви требаат 2 шолји рендана виолетова зелка, 3 стапчиња целер, ½ лимон и 2 шолји исечкани крушки.

Едноставно ставете ги сите сосојки во блендер, додадете вода по вкус и потреба и започнете го денот со неколку виолетови голтки полни витамини.

Чудесен зелен сок

Зелените сокови се познати како најздрави, а овој сок покрај тоа што е витаминска бомба, има и освежувачко дејство кое ве буди за само неколку секунди.

Ви треба 1 помал целер, 1 краставица, 2-3 листови кељ, 1 лимон, 1 лажица свежо изрендан ѓумбир, 1 шолја магданос и 2 круши.

Постапката е секогаш иста. Излупете и исечкајте ги плодовите, па сè добро промешајте.

Сок од морков

Кога прв пат ќе го направите, ќе се изненадите од вкусот кој ќе го пробате. Вкусен е, лесен, а покрај тоа ви помага добро да ја подготвите кожата за летните сончеви зраци.

Во блендер ставете 5-6 излупени моркови, 1 краставица, 1 јаболка, 1 лимон без кора и мало парче свеж ѓумбир.

По желба, можете да додадете и неколку зрна калинка.

Сок за чистење од грејпфрут

Идеален сок за забрзување на метаболизмот и посебно добар за оние кои се трудат да намалат некој килограм.

Ако овој сок го консумирате наместо кафе или чај, ќе му дадете огромна доза на сила на својот организам.

1 црвен грејпфрут, 2 стапчиња целер, рака јагоди и малку исечкан копар ќе ја задоволат дневната потреба на енергија.

Зелен сок за навечер

Наместо вечера, испробајте го овој зелен сок кој се бори со киселините, а воедно и заситува.

Потребна ви е една шолја свеж грашак, 1 шолја млад спанаќ, 2 големи листови блитва, 1 зелена јаболка, ½ лимон и ½ краставица.

Ако до сега не научивте дека зеленото е здраво, ова е уште еден доказ за тоа.