Што да јадете после вежбање?

Без соодветна исхрана, напорното вежбање не дава никакви резултати. Најважно е да запаметите дека по тренингот не смеете да се изгладнувате, ниту да се прејадувате.

Затоа, обидете се секогаш да имате барем неколку од овие 13 намирници:

Јајца - Протеините и јаглехидратите се клучот на добриот оброк по тренингот. А, јајцето има 6.3 грама протеини и е еден од најдобрите природни извори на витамин Д. И ако до сега му верувавте на Роки дека живите јајца се поздрави од варените, време е да престанете. Сварените или пржени јајца имаат двојно повисока количина на протеини.

Киноа - За дневната доза на јаглехидрати, кафеавиот ориз е во ред, но не е ни одблизу полн со витамини колку што е киноата. Покрај тоа, киноата е богата со протеини и влакна речиси двојно повеќе од кафеавиот ориз.

Сок од портокал - Веќе добро знаете дека чаша полна цеден портокал содржи огромни количини витамин Ц, но покрај него има и големо количество калиум, кој најчесто е главната состојка на спортските пијалаци. Сокот од портокал многу лесно може да ги замени сите протеински шејкови.

Кефир - Ферментираното млеко кое последниве години достигна огромна популарност содржи 11-14 грама протеини во само една шолја. Млечните протеини се одлични за мускулната маса и го забрзуваат слабеењето.

Банани - Извор на добри јаглехидрати кои ви се неопходни по вежбањето. Само една банана ќе ви помогне да го достигнете потребното количество на гликоген, кој помага во обновувањето на мускулите. Исто така содржат големи количини на калиум.

Лосос - Не само што ќе внесете огромна количина на протеини, туку и омега-3 масти кои ги обновуваат мускулите.

Боровинки - Боровинките можеби не се полни со протеини, но се идеален антиоксиданс кој ја подобрува целосната работа на мускулите по напорниот тренинг.

Леб од жито и хумус (намаз од леблебии) - Лесен и брз за подготовка, намазот од леблебија е полн со протеини и јаглехидрати кои ќе го подигнат нивото на енергија по долгиот тренинг.

Сушено овошје и јаткасти плодови - Само половина шолја од овој микс содржи 34 грама протеини. Корисни се за обновување на мускулите и само една шолја во денот ги задоволува дневните потреби за протеини и јаглехидрати.

Ананас - Содржи голема количина на бромелаин, ензим кој брзо ги лекува модринките и сите надворешни болки. Исто така богат е со витамин Ц, клучната состојка за обновување на ткивото.

Сладок компир - Покрај здравата количина на јаглехидрати, слатките компири се полни со витамини Б6, Ц и Д, магнезиум и калиум.

Киви - Кивито е полно со природен витамин Ц, сконцентриран во само неколку залчиња. Одличен антиоксиданс кој помага во борбата со болките во мускулите.

Вода - Последно, но не и најмалку важно. Хидрирањето е посебно важно по напорниот тренинг, па затоа консумирајте најмалку 2 чаши студена вода.