3 хранливи, вкусни и посни појадоци

Појадокот треба да ви обезбеди максимална енергија и хранливи материи за да можете да го започнете денот. Така, за време на постите често пати ги одбираме најлесните, но и најлоши решенија - печива, бело брашно, шеќери...

За да не се залажувате дека постите и немате друг избор, ви предлагаме 3 лесни и здрави појадоци кои ќе ви ги освојат сите сетила.

Еве како уште денес да вложите во добриот почеток на денот со квалитетен појадок:

Слатка варена пченица

Заради побрзо варење, потопете ја пченицата неколку часа во топла вода, па потоа оставете ја да се вари. Потоа, лесно може да ја замрзнете, затоа што пченицата не го менува вкусот.

Зачинете го својот појадок со кафеав шеќер или мед, додајте цимет и неколку парчиња свежо овошје.

Чувајте го во стаклена тегла или пластичен сад и овој појадок може да стане лесно пренослив до вашата канцеларија.

А, кога пченицата ќе ви досади, заменете ја со квалитетен, вкусен јачмен.

Палента со зеленчук

Проширете ги видиците и експериментирајте. Палентата се вари брзо, а е богата подлога за квалитетен појадок. Покрај тоа, отвора милион вкусни комбинации.

Врз палентата изрендајте морков, цвекло, краставички или ситно исечкајте домати, па врз нив додадете оригано или кари.

Овошна салата со зеленчук

Мешањето на ротквици и краставици заедно со портокали, банани и ореви ќе ви понуди нови вкусови и миксови.

Одберете го омиленото овошје и помешајте го со омилениот зеленчук. Посолете или зачинете со мешавина од мед и лимонов сок.