9 трикови со кои ќе ги потрошите „викенд“ калориите

Во морето трикови со чија помош ќе се обидете да го залажете организмот сè со цел да внесете што е можно помалку калории, постојат само малку кои навистина ќе бидат ефикасни.

Бидејќи викендот е време кога најмногу се јаде од досада, токму тогаш ни треба тактика да се залажеме себеси.

Прочитајте, насмејте се, одмавнете со раката, па размислете за нив повторно. Вреди да се проба!

1. Јадете кикирики и `фстаци во лушпа

Кикириките и `фстаците се грицки на кои тешко ќе им одолееме, па кога ќе нè фати глад, најдобро е да посегнеме по оние во лушпа.

Истражувањето покажало дека луѓето кои што уживаат во тие грицки два пати во седмицата, помалку се склони кон дебелеење од оние кои ги избегнуваат. Бидете мудри и јадете кикирики и `фстаци во лушпа, ќе изедете 50 проценти помала количина, а ќе го имате истото чувство на ситост и ќе бидете задоволни.

2. Девојки, дозволете си вечерен маникир

По вечерата дозволете си маникир и потоа нанесете лак за нокти. Тоа ќе ве спречи да ги пикнете рацете во кесичката со чипс или да посегнете по некоја друга посластица и така да внесете повеќе калории во организмот.

3. Сечете ја храната на мали парчиња

Порцијата храна на чинијата исечкајте ја на мали парчиња. Така ќе се излажете себеси бидејќи ќе мислите дека има повеќе. Откако ќе го довршите оброкот ќе се чувствувате најадено.

4. Во менито внесете семки од лен

Здрави се, ќе ви го забрзаат варењето и богати се со омега 3 масни киселини. Сомелените семки ставете ги во јогурт, или додајте ги во чинијата со житарици за појадок. Одлични се и во густа супа од зеленчук или во сендвич.

5. Носете фармерки

Истражувањето спроведено на Универзитетот во Висконсин покажало дека луѓето кои на работа доаѓаат во фармерки, дневно прават 491 чекор повеќе од оние кои се облечени во класични панталони, или сукњи. Вреди да се проба!

6. Измијте ги забите веднаш по оброкот

Ако употреите четкичка и паста за заби, веднаш по обокот, полесно ќе им одолеете на грицките, а вкусот на ментол во устата ќе ви го намали чувството на глад.

7. Оддалечете се од храната

На разни дружења или забави на кои се служи храна обидете се да се оддалечите од масата со храна. Ако стоите веднаш до масата, ќе ја користите секоја можност за да грицнете нешто, во спротивно ќе им се препуштите на разговорите. Далеку од очи, далеку од уста!

8. Користете соодветни садови за дозирање на храната

Сигурно имате такви во кујната, па користете ги бидејќи така ќе добиете вистинска слика за количината на намирници која ја внесувате во органзимот.

9. Наместо по чипс, посегнете по телефонот

Кога ќе ве фати депресија посегнете по телефонот и зборувајте со некој пријател/ка. Тоа ќе се покаже како многу одобар потег од пустошењето на кујнскиот елемент во кој ги чувате колачите и грицките.